Красні просиме – як все – на дальшый одтинок проґраму «Говорить Пряшів». Котрый то уж по черзі буде? Ани не зрахую, бо тілько же іх уж было.
Ідеме вперед, фурт новы проґрамы. Значыт – не нудут ся редакторам, а слухачы, майме надію, доцінят.
Літо скоро ся минуло. Вакациі тіж. Не знам, ци часом літо не скорше як вакациі, кєд же соцня мало уж од двох тыжни. Незалежно од того, радийо вернуло до старой, доброй і часом нелегкой роботы. Граме про Вас каждый ден музику нажыво, а і поплітаме пяте через десяте. Часом гвариме дашто поважне.
Сам «Говорить Пряшів» нияк не урльопувал. Авдиция была такой ціле літо, зато нич специяльного, же тепер Вас на ню запрошу. Але і так залучте радия. Лем голосно, на ціле село.