«Говорить Пряшів» – пятниця, 18.10 год.

Як в кажду пятницю – і днес. Не стопуєме, ани не робиме сой уж выхідного. Хоц днешня пятниця то Велика Пятниця для вшыткых, што за тзв. старым стильом уж в неділю будут святкувати Великден, то наше радийо (там, де ся даст) робит нормально.

І так, нашы пряшівскы братя такой в більшости Великден уж одсвяткували, святкуют они бо за григорияньскым календарьом. Єст тіж меньша част пряшівскых Русинів, што тепер – як і мы на Лемковині – будут празднувати праздник праздників.

Но, кєд лем мате дяку, просиме слухати в вечерній авдициі про Іринея Кондратовича, контроверсийну особу приспособлену до каждого режіму. В «Перличці» буде розважаня о тым, якій є правдивый мир?

В «Книжници» буде міцно лемківско, бо представиме вам Павла Ксенича і його оповіданя «Петро і Ватра». Зас в «Припоминці» поясниме, одкале ся взяла назва Великден.