Хто мал ліс, не боял ся зимы – середа, 20.00 год.

Запрашаме на послідній проґрам з сериі авдиций присвяченых Лемківскій Едукацийній Загороді в Ґладышові. Загорода то місце, котре лучыт сучасны, модерны формы едукациі з лемківском історийом і традицийным ремеслом.

В проґрамі оповіме, яку вартіст мал давно ліс і дерева, котры росли не лем в лісі. Зачнеме од стинаня і тесаня дерева, а закінчыме будуваньом хыжы. Грубы кльоцы поріжеме на дошкы і швалі. Дознаме ся, хто робил лжыці, а хто боденкы і колеса. Наконец наріжеме дров на зиму, жебы огріти хыжу і зварити якысу страву.

Петро Дзюбина

Премєра проґраму в середу, 31. січня/януара, о 20.00 год., повторіня вночы з середы на четвер о 4.00 год. та в суботу, 3. лютого/фебруара, о 15.00 год.