IX Стірча Любителів Ниского Бескиду

Уж 9 раз порталь beskid-niski.pl орґанізує Стрічу Любителів Ниского Бескиду. Тогорічна едиция одбуде ся в днях од 22 до 24 листопада в Ждыни.
Кажда зо стріч то можливіст зазнайомліня ся з людми, котрым барс блискій є обшыр Лемковины, як і блискы сут вшыткы темы звязаны з тым тереном.

Як што рока, так і того, забезпечена є познавчо-едукацийна част стірчы.
Зо своіма прелекциями выступлат:
– Кжыштоф Філіпяк, котрий буде бесідувал о біцкых катах;
– Роберт Банькош оповіст о східньокапратцкых збійниках;
– др Олґа Соляж приближит народну маґію Східніх Карпат;
– Даміян Новак вкаже лемківскы церки в світлі непублікуваных іконоґрафічных джерел;
– др Павло Малецкій пояснит аспект акустыкы в сакральным будівництві і оповіст о нашым радию – радию лем.фм;
– Зенон Войтас оповіст о бескидскых драпіжниках,
а Шымон Моджеєвскій здаст рапорт з діяльности Стоваришыня Маґурич за 2013 рік.

Вартат додати, же вшыткы прелеґенты будут бесідувати задармо. Участ в імпрезі тіж є безплатна, єднак в тракті стірчы перепроваджена остане збірка грошы, якы останут потім переказаны Стоваришыню Маґурич на ремонт выбраных бескидскых обєктів камінной сакральной архітектуры.

Про білше дрібниц позерайте на сайт beskid-niski.pl

А гев найдете бесіду з творцьом порталю Бартломєйом Вадасом.