Голосник

Йоган Пахельбель, «З повагом», просит Павел Малецкій – неділя, 20.00 год.

Йоган Пахельбель (1653-1706) был німецкым композитором, орґанистом, учытельом музикы періоду бароко.

Бесідує ся, што был музичным дідом Йоганна Себастияна Баха, понеже вчыл його старшого брата Йогана Хрістофера, попри котрым жыл по смерти родичів і котрый был його такой єдиным учытельом. Пахельбель вартат увагы особливі з огляду на своі композициі, предовшыткым – орґановы. Был єдным з тых, што уфромували стиль клявішовой музикы Баха.

Найвыдатнійшом композицийом Пахельбеля є канон ре-мажор на троі гушлі і basso continuo. Робил в такых містах як Віден, Штутґарт, Ерфурт і інчых містах Туринґіі.

На його чест назвали плянетоіду (4972) Пехельбель.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі