Йоганн Штраус, «З повагом», просит Павел Малецкій – неділя, 20.00 год.

Йоганн Штраус (1825-1899) то австрийскій композитор, дириґент, гушляр. Розславленый через скомпонуваны танцювальны вальці, прим. «Над прекрасным синім Дунайом».

Был сыном знаного композитора, тіж Йоганна. В таємници перед вітцьом вчыл ся грати на фортепіані і гушлях. Дебютувал в 1844 році концертом в касині Доммаєра в Гітцінґу, дириґуючы свойом оркєстром. Штырі рокы пізнійше остал музиком Нацийональной Ґвардиі, компонуючы маршы і полькы. В Відни зачала царювати музика обох Штраусів. По смерти вітця в 1894 р. скомпонувал, дедикуваный няньови, вальц Aeols-Töne оп. 88, што лучыт дві оркєстры в великій ансамбль. Турне по Німцьох, Росиі, Польщы, Зъєднаных Штатах Америкы принесло му славу.

В 1862 р. ся оженил, од 1863 р. был директором балів на віденьскым дворі, а оркєстру вели як постійны дириґенты його братя – Йосеф і Едуард. По смерти жены в 1878 р. іщы двакратні ся женил. Правдиву славу і узнаня принесло му выставліня «Die Fledermaus» в Дворскій Опері в Відни в 1895 р. з нагоды його 70. уродин. Штырі рокы пізнійше вмер на запаліня ключы.

Штраус был тіж педаґоґом. Вчыл найбогатшых в тамтым часі в Европі. Його польскыма учениками были м.ін. Юзеф ґр. Потоцкій, прінцесса Ірена Чарториска.

В проґрамі выслухате м.ін. його прекрасных вальців і дакус знаных творів інчых клясиків.