Йозеф Гайдн был найстаршым в ґрупі тзв. трьох віденьскых клясиків, до котрой окрем него причыслят ся Вольфґанґа Амадея Моцарта та Людвіґа ван Бетховена. Гайдн был выдатным австрийскым композитором. Жыл в роках 1732-1809.
Творы Йозефа Гайдна чудували раптовныма змінами насторю, нетиповыма міноровыма тонациями ци вводжыньом нестандардовых акордів. Музична ріжнорідніст спричынила, што думано о Гайдні, што він аванґардовый артиста свого часу. Його творчіст заповідала явліня ся нового напряму в клясичній музиці – романтизму.
Гайдн походил з музичной родины. В його сліды пішол молодшый брат – Йоган Міхаель. Й. Гайдн студиювал в Гайнбурґу, але скоро зачал робити в хорі при кафедрі св. Щепана во Відни. Вчыл ся грати на гушлях і фортепіані. Од 1749 р. зачал самодільні выступувати. Од 1761 р. был надворным композитором аристократичного роду Естергазі з Мадяр. Прожыл гын близко 30 років, але не перешкодило му тото здобыти славу.
В проґрамі почуєте перше м.ін. симофнію но. 94 «Несподіванку», симофнію но. 104 Д-дур, концерт Д-дур на віолончелю та пару композиций од інчых клясиків.
Коментарі