Кафе-дебата з др. Фомом Квоком
Дня 8 жолтня 2013 р. в Новым Саді одбыла ся кафе-дебата з дохторьом Фомом Квоком з Ягайлоньского Університету в Кракові в Польщы про культуру войводиньскых Русинів, котру сме заповідали пару днів тому.
Дебата была зорґанізувана перез “Дослідничий Круг”, є то нeформальна ґрупа молодых науковців-Русинів. Дискусию модерувал Алескандер Мудрий. На початку передставлено самого науковця др. Квоку, його науковий доробок і запрезентувано перший, выданий друком, том з тритомовой дохторской розправы “Істория социяльной сербской лексикы (од кінця XII до початку XX ст.)”. Пак дискутувано про Лемків в Польщы.
В своіх науковых роботах др Квока пише тіж о Русинах в Войводіні і спілпрацює з часописами “Мак“ і “Шветлосц“.
Дебата з др. Фомом Квоком была уж третьом отвореном дискусийом зорґанізуваном перез “Дослідничий Круг”. До той поры бесідувано о проблемах выдаваня сучасной русиньской літературы, В кінци серпня мала місце стріча з молодым писменником з Підкарпятя Андрийом Любком.
Повязаны дописы
Ґорлиці 106,6 MHz
