Карль Нільсен был єдным з найвызначнійшых творців скандинавской музикы, головным єй представником.
Отец Нільсена занимал ся малюваньом хыж, але дораблял як музикант гром на гушлях і корнеті, мати была добром співачком. Карль, хоц вродил ся в бідній родині, музичну едукацию зачал на 8 років, грал в місцевій оркєстрі на гушлях, ходил на додатковы лекциі в обшыри гры на трубці. В тым часі скомпонувал свій першый твір – польку на гушлі.
В 1884 р. приняли го на консерваторию в Копенгазі, де студиювал: гру на гушлях, теорию і історию музикы. В роках 1886-1905 был гушлярьом в дворскій опері в Копенгазі. В 1908 р. остал єй кєрівником. В 1915 р. остал дириґентом Musikforeningen в Копенгазі, а тіж професором тамтышньой консерваториі.
Компонувал симфоніі, концерты, оперы і інчы. Його творчіст утримана была в пізноромантичным стили.
Коментарі