Карпаторусины – хто то?

Карпаторусиньскє Общество просит на дискусийний панель на тему «Карпаторусины – хто то?». Подія одбуде ся в суботу, 10. жолтня (октобра) 2015 р. од 10.00 год. в Альфаретта, штат Джорджія (Alpharetta Branch Library 10 Park Plaza, Alpharetta, GA).

Звіданя Карпаторусины – хто то? буде поставлене зато, жебы зрозуміти, чом являют ся деякы непорозумліня, неточности, а часом і хаос, кєд іде бесіда о Карпаторусинах. Пруситны познают тіж проблем звязаний з вымераньом Карпаторусиньского Народа.

Веце інформаций находит ся за тым мотузком.