Колиси робили холошні, а днес кульчыкы!
Ци колиси дахто бы подумал, же з поцтивой волны на холошні будут даколи робити кульчыкы, пацюркы, торебкы, капці і інчы чуда? Не дост, же роблят, то іщы вчат інчых.
Народний Університет Артыстычного Ремесла в Воли Санковій просит на вікендовы варштаты фільцуваня волны. Під оком інструкторкы Донкы Котецкой каждий познат дві технікы фільцуваня – на мокро і на сухо.
Варштаты будут одбывати ся в днях од 25 до 27 жолтня в урокливім місци – будынок Університету положений є на кінчыку села, на кінчыку Низкого Бескіду.
Народній Університет Артыстычного Ремесла в Воли Санковій діє од 1959 рока як продолжыня Народного Університету во Вздові. Його цілью є головні захороніня культурового дідицтва, соспілний і особистий розвиток. На кєрунку артыстычного рукоділа можна вывчыти ся ремесла выплітаня, керамікы, вітражу, різбы, вышываня, коронкы…
Серед абсольвентів Університету нашли ся знаны артысты м.ін. Марцін Данєц, Стан Борис, Кжыштоф Гандке, Іво Орловскій ци Піотр Воронєц.
Чытайте дрібниці про варштаты і про сам Університет на стороні: uniwlud.pl
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
