Неє сміху. Конкурс годны перейти лем грамотны ученикы. Фурт можете взяти участ, фурт можете выграти бурсяну леґітимацию.
Треба ся позберати в крас кабат, а парібкы прибрати калап з перком. Треба прити в білій кошелі. Стары бурсакы провірят ваше знаня. Мож ся навчыти патріотичного вершыка, а кєд такого не знате, то може быти співанка про чорны очка, теркы, або збераня грибів (ґрібів).
Переможут лем тоты, што придут на конкурс пунткуально. Треба зрыхтувати пару слів про себе, якы то сте порядны, як дуже знате, а і якого сте роду. Згромаждены почастуют вас лососьом, но може іщы дакым напитком. Але то уж лем тых, што перейдут квалифікациі. Конкурс лем про панны і кавалірів. А потім буде пасуваня на бурсака, але про деталі орґанізаторы не хотят інформувати. Для вашого здоровля…
Припоминаме лем, же треба дашто внести, а не приходити з порожніма руками. Бурса дає вам постіль, але куферок і райткы треба мати своі. Но і складку треба вносити.
А долов конкурс про тых, што памятают іщы стары часы. Приємного конкурсуваня.
КОНКУРСЪ.
Общество «Русская Бурса» въ Горлицяхъ обьявляе симъ конкурсъ на принятье 40 учениковъ на 1913/14 шк. рокъ. Прошенья маютъ вносити родители або опекуны ихъ по 15. серпня н. ст. на адресъ: «Русская Бурса» въ Горлицяхъ, ул. Змигородская. Съ прошеньемъ слѣдуе и внести свѣдоцтво крещенья и шкôльное, а если хто проситъ о пониженье мѣсячной доплати, то и свѣдоцтво убожества. Кромѣ того треба прислати въ прошенью почтовую марку за 10 гел. на звычайный, а 45 гел. на заказный отвѣтъ. Хто былъ воспитанникомъ Бурсы передъ вакаціями, може внести только прошенье; если не внесе прошенья, то не буде принятый въ Бурсу на слѣдуючій рôкъ.
Мѣсячная доплата по причинѣ, значитального долга Бурсы повысшена на ЗО коронъ. – Она може быти понижена ученикамь бѣднымъ, но съ хорошимъ поведеньемъ и успѣхомъ въ наукахъ.
Всѣ воспитанники мають мати: куферокъ на рѣчи, сѣнникъ, 3 простирала, З пошевки, подушку, 6 парь бѣлья – З ручники, 6 носовыхъ хусточокъ, зимовое и лѣтное убранье, плащъ, 2 пары чобôтъ, 6 паръ шкарпитокъ, або онучокъ, щетки до чищенья убранья и обуви, – мыло, зеркальце, гребень. Лôжко даетъ Бурса.
Прошенье о принятье въ Бурсу – могутъ вносити ученики всѣх клясъ и шкôль въ Горлицяхъ, т. е. гимназіи, народной и першихъ двохъ клясъ выдѣловой школи.
Коментарі