Концерт Відима та «Выстава Вышываня 2015» в Рускій Бурсі в Ґорлицях
Стоваришыня Руска Бурса сердечні просит на «Выставу Вышываня 2015».
Того рока проґрам буде богатий, окрем шторічной презентациі десяток, кєд не соток, примірів рукодільного, артистычного ремесла в виді вышываных прац, вчас стрічы буде мож ся дознати дакус про карпатскій та крестиковий гафт – прелекцию з презентацийом выголосит Мариянна Яра, выкладовця та інструктор гафту на Народным Університеті Артистычного Ремесла в Воли Санковій (зазерайте гев на сайт університету).
Окрем того, в прекрасных, вышываных строях з ріжных части Карпат, выступит ансамбль карпатской співанкы Відимо зо Санока. Буде то перший концерт того ансамблю в Рускій Бурсі в Ґорлицях і напевно не бракне русиньскых співанок.
Але то не конец – буде іщы несподіванка!
Запрашаме 26. червця (пятниця) на 18.00 годину до Руской Бурсы в Ґорлицях. Вступне – дармо.
Очывидні, не бракне тіж доброй кавы і закусoк… 😉
фот. Юзеф Горбік, Даміан Новак
Проєкт зреалізувано завдякы дотациі Міністра Адміністрациі і Цифризациі.
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
