Коцурска церков на сайті

Як інформує проф. Михайло Фейса, в найблизшым тыжни зачне в полній функцийональности діяти новий інтернетовий сайт грекокатолицкой парафіі Успіня Пресвятой Богородиці в Коцурі (Войводіна).

Днес мож уж позерати на фотоґрафіі в ґалериі, котры предствляют красу і богатство розписів інтерієрів коцурской церкви. В будучым, будут заміщены основны інформациі про Апостольскій Еґзархат для Грекокатоликів Сербіі і Чорной Горы та про саму коцурску церков.

Уж тепер мож почытати запрошыня для тых, котры хотіли бы взяти участ в торжествах з нагоды 250. річниці посвячыня першой грекокатолицкой церкви в Коцурі. Кєрмеш і головны ювілейны торжества в Коцурі одбудут ся 28. і 29. серпня того рока.

Більше інформаций найдете за мотузком