Краківска стріча для інституций занимаючых ся меншынами

Соспільна орґанізация Вельокультуровий Краків сердечні просит представників інституций, занимаючых ся нацийональныма, етнічныма і реліґійныма справами меншын, на тзв. крослінкову стрічу, котра пройде в Кракові. Перша того рода стріча одбуде ся 12. грудня/децембра т.р., медже 10.00 – 18.00 год., а друга, котра має быти єй континуацийом – 16. грудня/децембра т.р., од 16.00 – 20.00 год., (Spółdzielniа “Ogniwo”, ул. Пауліньска 28).

Цілю подіі має быти взаімна выміна поглядів і досвідчынь, ліпше познаня ся медже представителями інститиций, котры діют в подібным просторі та задуманя ся над змогом навязаня спілпрацы в обшыри охороны дідицтва нацийональных, етнічных ци реліґійных меншын.

Стрічам буде проводил Рафал Таляр, занимаючий ся неформальном едикацийом та анімацийом. Вюл вельо варштатів і курсів, м.ін. про антидискримінацию і меджекультурову едикацию.

Проєкт Вельокультуровий Краків поставил сой за ціль приближыти жытелям вельокультурове дідицтво того міста, так в історычных, як і сучасных односинах. Серцьом проєкту буде інтернетовий сайт, на котрым найдут ся інформациі про інституциі, занимаючы ся справами етнічных, нанацийональных і реліґійных меншын, подіі звязаны з іх культуром та дописы про меншыны і віроісповіданя, котры діют на териториі Кракова.

На стрічы будут пристутны репрезентанты лемківского середовиска в Кракові, в тым лемківской філолоґіі – участ возме студент ІІ рока – Петро Козьміньскій.

Зголошыня приниманы сут до четверга, 10. грудня/децембра під е-майльовым адресом kontakt@wielokulturowykrakow.pl.