Креницкій кєрмеш – 1000-літя од смерти св. Владиміра – 2015-07-28 – (фото: © Петро Басалыґа)

28. липця 2015 р. в креницкій православній парафіі проходил кєрмеш в ден св. Рівноапостольного Князя Владиміра. На тогорічний праздник прибыли гості з цілого світа, понеже была то 1000. річниця смерти покровителя креницкого храму і центральны святкуваня той річниці через Польску Автокефальну Православну Церков (чытайте за мотузком).

Службу Божу вюл Блаженнійший Сава, митрополита варшавскій і цілой Польщы, враз з владыками з пілнічных єпархій – Высокопресвященнійшым Яковом, архієпископом білостоцкым і ґданьскым і Преосвященнійшым Григорийом, єпископом супрашльскым – та вікарным владыком перемышльско-новосандецкой єпархіі, Преосвященнійшым Паісийом, єпископом ґорлицкым. Вчас архієрейской Літургіі св. Йоана Златоустого співал хор місцевой парафіі, ведений Петром Трохановскым і, гостинні, молодіжний хор з Білогостоку.

Тогорічний кєрмеш был богатий і в інчы подіі – дотеперішня улиця, при котрій находит ся креницка православна церков, рішыньом місцевых власти, отримала званя св. Владиміра, о што старали ся уж пару років єп. Паісий враз з парохом о. прот. Петром Пупчыком і парафіянами (писали сме о тым гев).

Запрашаме до обзераня знимок з того праздника, авторства фотоґрафіка Петра Басалыґы.