Кружок Стоваришыня Лемків в Ліґници має новий Заряд!
15. марця т.р, проходило справоздавчо-выборче зобраня в Кружку Стоваришыня Лемків в Ліґници. Окрем справ звязаных з діяльністю Кружка, покликано новий Заряд в тым нового Ведучого. Остал ним Яков Бубернак, котрий на становиску предсідателя Кружка Стоваришыня Лемків заступит Димитрия Русинка. До Заряду Кружка вошли тіж:
- Лука Тиханьскій– скарбник
- Севериян Косовскій– секретар
- Димитрий Русинко– член Заряду
- Теодор Урда– член Заряду
Окрем выбору нового Заряду, обрано іщы штырьох делеґатів, котры будут репрезентувати Кружок Стоваришыня Лемків в Ліґници на Конґресі Стоваришыня Лемків, котрий рішыньом ведучого той орґанізациі остал скликаний на 25. квітня 2015 рока (веце інформаций за тым мотузком).
Делеґация то:
- Яков Бубернак
- Севериян Косовскій
- Лука Возняк
- Димитрий Русинко
- Лука Тиханьскій – резервовий
Сердечні ґратулуєме новому Зарядови Кружка Стоваришыня Лемків в Ліґници і желаме вельох успіхів в штоденній працы на хосен лемківской достоменности і культуры.
