В тых днях мож голосити ся на кваліфікачны турнаї в же VII. річника турнаю в саловім фотбалі o Русиньскый погар – Rusyn Cup. Кваліфікачны турнаї будуть проходити в пятьох містах і двох державах.
Турнай каждым роком тішыть ся векшому успіху. Минулого року залучіло ся до нього 35 команд з трьох держав і переможцьом стали фотбалісты команды НК Русин Міклушевці.
Кваліфікації
Кваліфікації тот рік будуть проходити в Братіславі (14. 12. 2019 р.), в Стропкові (27.12. 2019 p.), в Сабінові (30. 12. 2019 p.), в Снині (18. 1. 2020 p.) і в Руськім Керестурі (1. 2. 2020 p.).
В каждій кваліфікації грає максімално 8 команд і так ся на конкретный кваліфікачный турнай мож голосити, покля ся не заповнить. Команда може мати о 5 до 9 грачів. До фінале, котре одбуде ся у Бардейові 29-го фебруара 2020-го року, поступить 16 команд. З каждой кваліфікації три найліпшы плус переможця з минувшого року.
Покля маєте інтерес приголосити свою команду до кваліфікачного турнаю в дакотрім із міст, де будуть проходити, можете ся приголосити на імейловій адресі rusyn.cup@gmail.com. Подія на сіті Facebook за тым мотузком.
ТЕКСТ НАПИСАНЫЙ В ПРЯШІВСКЫМ СТАНДАРДІ РУСИНЬСКОГО ЯЗЫКА