Голосник

Кєд пятниця то «Говорить Пряшів» – пятниця, 18.10 год.

Пришла. Долгождана в нашых мриях і умах, але пришла дост скоро. То пятниця! То все тот найліпшый, найприємнійшый ден тыжня, коли кінчыме робочый час, а одкрываме вікенд.

Кєд пятниця, то очывидно мусит быти новый одтинок авдициі «Говорить Пряшів». На тото зрыхтували ся пряшівскы редакторы, жебы Лемкам з пілнічного боку Карпат принести фалаток добрых інформаций. Кєд волите – може быти мішок. Полный мішок історичных, культурных і поучытельных інформаций.

«Говорить Пряшів» вартат слухати, бо окрем інформаций з Пряшівщыны і Підкарпатской Руси, проґрам приносит нам дост часто цінны темы про Лемковину. Слухати можеме про выдатных діячы як раз з Лемковины, про історичны діі, котры, хоц діяли ся в тій пілнічій части Карпатской Руси, часто мали великє значыня про вшыткых Руснаків. Свідомы будеме, коли почуєме голос пряшівскых редакторів. Тото рекомендуют нашы слухачы, котры не зохабыли никотрый з премєровых одтинків.

Будте здравы, слухаючы нашого радия. Бо здоровля то тото, што тепер найціннійше.

Шеруй.

О авторі

Севериян Косовскiй

Народженый на чужыні. Матуриста з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Головный редактор Лемківского Річника. Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментарі