Кычерка і Терочка на Святі Діти Гір [20-27 липця]

Од 19. до 27. липця в Новым Санчы буде проходил 22. Медженародовий Фестіваль Дітячых Реґіональных Ансамблів – Свято Діти Гір.

Отвераючий концерт, попереджений кольоровым переходом участників фестівалю, одбуде ся 20. липця о 20.00 годині. На сцені запрезентуют ся мали артисты з цілого світа. Адже выступит 6 ансамблів з Польщы і 6 заграничных: з Хорвациі, Грециі, Ґрузиі, Мадяр, Мартинікы і Австриі.

Перез цілий тыжден до полудня плянуваны сут тематычны презентациі, а вечером головний концерт. Пониже презентуєме гармоноґрам фестівальовых подій. В середу 23. липця Терочка буде гостила в себе – в Рускій Бурсі, Кычерку разом з ансамбльом з Грециі.

Фестіваль Свято Діти Гір то місце стріч діти ріжных культур, ріжных конфесий, на котрым перез спільну забаву діти познают богацтво інчых народів – іх звыкы, традициі, язык, вчат ся толеранциі і пошануваня для інчых люди – без огляду на іх походжыня, нацийональніст ци реліґію.

Участниками тогорічного фестівалю сут тіж лемківскы ансамблі – Кычерка і Терочка, якы в рамкях фестівалю выступлят м.ін. в Бардыйовскых Купелях 25. липця о год. 18.30