„Кычерка” в Рускій Бурсі

В днях од 24 лютого до 1 марця 2014 р. дітячый ансамбль Кычерка з Ліґниці, якого основательом і кєрівником є п. Юрко Стариньскій, перебывал на тыжневых варштатах на Лемковині.
В пятницю 28 лютого Кычерка пришла в одвидины до Руской Бурсы в Ґорлицях. В тій языково-танцювальній стрічы уділ взяли діти і молодіж з Кычеркы і охочы школяре лемківского языка з Лемковины. Языковы забавы попровадила учытелька п. Варвара Дуць, зас танцювальны – п. Юрко Стариньскій.
На конец, як то в лемківскій традыциі є приняте, вшыткы зобраны кус ся погостили і кус поспівали.

Позерайте на знимкы зо стрічы – ЗНИМКЫ ПІД ТЫМ МОТУЗКОМ