Кжыштоф Пендерецкій, «З повагом», просит Павел Малецкій – неділя, 20.00 год.

Докладні перед тыжньом, 29. марця, вмер в 87 році жытя Кжыштоф Пендерецкій, найвыдатнійшый польскій і світовый сучасный композитор, якого вымінят ся при Баху, Бетховені і інчых клясиках. Композитор, котрого слухали од Японіі по США, світовый авторитет в обшыри клясичной музикы.

В музиці ХХ ст. нихто не зробил такой карєры як він, а тота тырвала більше як 60 років, сам музик мал цікаве і iнтенсивне жытя. Хоц асоциюют го головні з клясичном музиком, не боял ся романсувати з популярныма жанрами, а його творчіст хоснуваня была в звуковых стежках до фільмів, м.ін. до культового образу «Блеск» Стенлі Кубріка. Здобыл вельо престіжных нагорід, в тым пят премій Ґреммі.

З музиком Кжыштоф Пендерецкій был близко од наймолодшых років. Його отец грал на гушлях. Сам зачал він компонувати уж на 8 років. Оповідал, што його пізріня на музику змінил Йоган С. Бах, платню котрого достал до шкільной любови.

В роках 1955-58 студиювал композицию в Державній Высшій Музичній Школі в Кракові. Як сам споминал, был зуфалым і впертым учеником і любил робити си смішкы. За критику твору «Верхы» проф. А. Малявского за кару мусіл написати подвійны фуґы.

Свою першу нагороду здобил уж в 1958 р. в конкурсі Союзу Польскых Композиторів. Барз хотіл выграти, бо нагородом был пашпорт, завдякы котрому міг поіхати на стипендию до Дармштадт. Зголосил аж три творы. Бесідувал, же для дезориєнтациі комісиі єден написал правом руком, другій лівом, а третій дал переписати. По выграню зрезиґнувал зо стипендиі і рішыл поіхати до Італиі.

Пендерецкого, попри В. Лютославскым і Г. М. Ґурецкым, причысляют до музичного нурту тзв. другой аванґарды. Характерным для того жанру є выдобываня нетрадицийных звуків з традицийных інструментів. «Страсти за св. Луком» то його першый великій хорально-інструментальный твір. Захопил ся ним аж і маляр Сальвадор Далі.

Окрем заниманя ся музиком, занимал ся і Триманьом дерев. В одновленым собом ХІХ-вічным дворку в селі Люславиці (приб. 50 км од Ґорлиц) основал приватный дендрарий (30 гектарів), в котрым засадил 1500 ріжных ґатунків дерев. Там тіж в 2005 р. основали з женом Европейскій Центр Музикы Кжыштофа Пендерецкого, котрый отримал статус нацийональной інституциі культуры. Його місия то підпорюваня і інспіруваня найздібнійшых молодых творців.