Лѣкарство на озорны бабы.

На Подôлю еденъ хлопъ по назвиску Кузьма Пôдойма мавъ жену Евдоху, — котру окрутнѣ правъ для того, же она ся зъ нимъ сварила.

Якъ ужъ баба не могла витримати, пôшла до егомосьця по раду. „Прошу егомосьця — гваритъ — ужъ мя мôй хлопъ бье и бье, — не можеме ся ниякъ погодити и пришламъ — гваритъ — по раду.

Егомосьць красьнѣ вислухали — потôмъ пôшли отворили накасликъ и выняли фляшечку съ якысомъ водомъ: Якъ тя мужъ зачне сварити — гварятъ — то возъ душкомъ напий ся той воды што ти даю и тримай дотля въ гамбѣ покля мужъ не престане тя сварити. — А якъ тя буде бивъ то тѣжъ тримай воду въ гамбѣ, — бо иначе ничъ не порадишъ.

Пришла баба до хыжъ. Хлопъ на ню: „А ты — гваритъ — сяка така — то ты собѣ спацируешъ а дома робота стоитъ”! „Десъ была? бесѣдуй заразъ“ ! Баба тымчасомъ фляшечку зъ запазухы — взяла до гамбы воды и стоитъ якъ дубъ. Такъ ся кôлька рази повторило и за мѣсяцъ Кузьма Підойма и Евдоха цѣлували ся най Богъ хранитъ. Аджекъ баба пôшла дякувати егомосьцьови за лѣкарство, взявшы пôдъ паху двѣ гуси.

А егомосьць ѣй повѣли: Слухай бабо, — титъ то была вода зъ нашого потôчка и не вода тя вилѣчыла але тото жесъ гамбу мусѣла заперти якътя сваривъ.