Лем – Скрыта Земля

Едукацийний Осередок Маґурского Державного Парку в Крампній просит на выставу знимок Адріана Спулы Лем – Скрыта Земля. Выстава обнимат 64 знимкы записаны в роках 2008-2011 в полудньово-східній Польщы. Проєкт обнял більше як 100 сел, в якых до 1947 рока жыли Лемкы.

Выставу мож обзерати од 17. серпня до 26. вересня 2014 рока.

Альбом в книжковій формі обізрити мож в бібліотеці Руской Бурсы. Запрашаме в каждий понедільок (в год. 16-18) і пятницю (в год. 13-15).

Адріан Спула – вр. 1980 рока в Олькушу. Абсольвент ДВШФТВіТ ім. Леона Шілера в Лодзі (дипльом в Працовни Креацийной Фотоґрафіі проф. др габ. Войцєха Пражмовского). Робил м.ін. для ґазет Нюсвік, Ді Вельт, Ґазета Выборча, Політика, Пжекруй, Впрост, Тиґоднік Повшехни, Кіно, для Райфанзен Банк, Ерґо Дізайн, ци Готель Вентцль. Є лавреатом Конкурсу Польской Пресовой Фотоґрафіі і стипендистом Стипендиюм Міністра Культуры і Державной Спадковины Молода Польща.

Більше про Адріана Спулу найдете за мотузками:
adrianspula.photographers.com/
donkliszot.com/