Лемківска Едукацийна Загорода 2014

Стоваришыня Руска Бурса має для вас того рока выняткову і новаторску оферту на проведіня вакаций – Лемківска Едукацийна Загорода. Є то тыжньовий дармовий табір для діти/молодежы (од 12 до 17 років), на котрым познате, што то правдиве лемківскє жытя:
– познате як выглядала і як сконструувана была тыпова лемківска хыжа (в рамках практычных занят навчыте ся стругати ґонты, крутити кычкы і класти стріху, зробите тіж загороду для худобы на паствиску),
– будете вырабляти нарядя, якы вашы діды і бабы наштоден мали в хыжы (зробите сой лжыці, граблі, мітлу…),
– навчыте ся, як жыло ся на ґаздівці (буде молочыня ціпами, чыщыня зерна на решеті, тканя полотна, пряджына волны, тлочыня олію в оліярни, молочыня кєратом і молотя млинцьом, вязаня снопків, пасіня коров :)),
– самы зробите собі ідло! (масло, сыр, хліб, перогы, кєселицю) і дознате ся, котре зіля мож пити,

а тото вшытко одбывало ся буде в самым серци Лемковины – в Ґладышові, в дн. 20.-28. серпня під оком кваліфікуваных інструкторів – Дануты і Ваня Дзюбинів.
Орґанізаторы забезпечают тіж спаня і ідло.

Жебы взяти участ в таборі треба зголосити ся на адрес ruskabursa@gmail.com
Зголашайте ся як найскорше, бо кількіст місц ограничена!