Лемківскій Річник 2013

Вказало ся слідуюче чысло Лемківского Річника алманаху выдаваного през Стоваришыня Лемків. В течучым выданым за 2013 рік найти мож медже інчыма статі – 

Ярослава Горощака про 1700 річницю выданя “Миляньского едикту”, Петра Трохановского “Кірил і Мефодий – улюбленці Лемковины”, слова і ноты написаного през Ярослава Трохановского “Гымну Апостолам”, Михала Поповича “Монастыр на горі Остріж при Леґнаві”, текст редакцийний “30 років минуло од першой Лемківской Ватры” зо знимками з першых ватр Петра Басалґы.

Сут тіж написаны річницьовы статі Богдана Горбаля про Валдиміря Хыляка, Гавриіла Бескида про Александра Митрака. Передставлено вызначных сучасных творців лемківской (русиньской) літературы, мистецтва і діячы культуры то є Миколая Ксеняка, Александра Зозуляка ци Штефана Косовского.

Лемківскій Річник 2013 мож замовити през Стоваришыня Лемків або радийо ЛЕМ.фм.