Лемківскій «русальний» пікнік – неодолга на східнім краю ЗША

Уж по Русалях, зато Русины Зъєднаных Штатів Америкы зас стрітят ся в своій шырокій файті вчас спільной стрічы. На Лемківскій Русальний Пікнік орґанізаторы просят так: може буде злива, ачий сонце, берте родину, возте тіж приятелів! Каждого красні просиме! Тота – циклична уж – подія одбуде ся в Гартсдейль (Ridge Road Park Pavillion #2, 287 Ridge Road, Hartsdale NY 10530). На місци мож придбати напиткы і ідло ріжного рода, але сама ідея стрічы в добрым товаристві являт ся найьбільшым хосном орґанізуваной подіі.

Не ждийте, лем одраз резервуйте свобідне недільне пополудне 25. червця/юнія 2017 р., жебы прити до парку коло Гартсдейль (то лем парудестят кілометрів од Ню Йорку), а за орґанізацийныма інформациями позерайте долов. В імени орґанізаторів просиме і мы!