Лемківскій вечер ведений Тадеушом Лопаткєвичом буде проходил в найблизшу пятницю 12. вересня од 19.00 год. в барі Моніка в Коросні (ул. Ґродзка 17).
В тракті стірчы буде мож спрібувати лемківскых страв, выслухати оповідань о тым, як то колиси было на Лемковині і выслухати концерту ансамблю А Де То Колиси Грало (A Gdzie To Dawniej Stroiło).
Тадеуш Лопаткєвич – польскій етноґраф, доктор гуманістычных наук з обшыри наук о мистецтві, забыткознавец, реґіоналіста, автор і спілавтор вельой книжок і парудесятьох дописів, тыкаючых ся етноґрафіі Карпат, інвентаризациі і охороны забытків, істориі мистецтва, специяліста істориі лемківской каміняркы.
А Де То Колиси Грало (A Gdzie To Dawniej Stroiło) – ансамбль з Коросна, якій грає получыня фолку з джазом, блюсом, свінґом, а і роком. Основом сут лемківскы народны пісні граны в авторскых аранжациах.
Коментарі