Лемківско-Погіряньскій Великодній Ярмак

Знаний є уж докладний плян тогорічного Лемківско-Погіряньского Великоднього Ярмаку (о можливости запрезентуваня ся на ним інформували сме вас за тым мотузком) орґанізуваного Мазярском Загородом в Лоси (одділ Музею Дворы Карвациянів і Ґладышів в Ґорлицях), якій буде проходил 22. марця т.р. в Лоси.

Орґанізаторы сердечні просят уж од самого рана:
– 11.00 – варштаты великодніх багніток, малюваня писанок
– 13.00 – полюваня на яйця – 800 (!) яєц до позбераня (забава для діти до 12. року жытя)
– 14.00 – конкурс битя яєц
– 15.00 – выступ хору Cantores Carvatiani (церков в Лоси)

Окрем того, як то на ярмаку, не бракне стоіск з преріжным ремеслом і рукоділом, запрезентувана остане лемківска та погіряньска свяченина, буде выстава писанок і вельо інчого.