ЛЕМКОдізайн / РУСНАКдізайн – конкурс на ґрафіку та взірництво

Іщы лем до 10. квітня т.р. мож присылати конкурсовы пропозициі на першу едицию конкурсу ЛЕМКОдізайн / РУСНАКдізайн з обшыри штоденной ґрафікы та взірзництва.

Кєд ходит о штоденну ґрафіку, можут то быти пропозициі промоцийных ґаджетів (напр. горнятка, кошелькы, завішкы), а тыкаючы тему взірництва, орґанізатор вымінят такы предметы як прикраскы на тіло (кольчыкы, завішкы, обручкы на руку ітп.), прикраскы облечыня, або дрібны, додатковы елементы, як напр. рукавичкы, поясы, торбочкы, пулярисы.

Вшыткы зголошены працы мусят навязувати до народной традициі Лемків / Руснаків з польско-словацкого погранича.

Цілю конкурсу єст захороніня примірів культуровой спадковины Лемків / Руснаків та запрезентуваня єй шыршому кругови люди. Орґанізатором конкурсу сут Ґміна Крениця та Ґміна Бардиів.

Найліпший проєкт буде оцінений през Конкурсову Комісию, сума нагорід за першы місця та выріжніня то 900 евро.

Цілий реґулямін чытайте за мотузком.