Лемковина оком дітины

Од 26. вересня/септембра до 26. жолтня/октобра т.р. в Польско-Словацкым Домі ім. Душана Юрковича в Ґорлицях буде одкрыта выстава фотоґрафій презентуюча м.ін. красу Лемковины. 

Доступна протягом місяця выстава запрезентує краєвид, забудуваня, природу, аж і жытелів Низкого Бескіду, Лемковины в особливий спосіб, а може радше дакус інчий як сме звыкли. Выстава є присвячена дітячій фотоґрафіі та тому, в якій спосіб наймолодшы видят красу того реґіону. 

Презентуваны будут фотоґрафіі діти, што были зниманы вчас фотоґрафічных варштатів орґанізуваных в рамках проєкту «Краса Низкого Бескіду і Лемковины очами діти». Речений проєкт был сфінансуваний з середків Маршальковского Уряду в Кракові. 

Вернісаж выставы проходит в найблизший віторок о 17.00 год.