Лемкы то сут з боденкы… – ІІ част бесіды з Укачом Вожняком в проґрамі «Спомний собі Лемку» – віторок, 21.00 год.

Згідні з заповідями з попереднього одтинка мойого проґраму, днес запрашам на ІІ част бесіды з п. Укачом Вожняком – родом зо села Білцарева. З попередього інтервю довідали сме ся м.ін. про жытя на Лемковині і початок выселінь на захід Польщы в 1947 р.

Днес, оповіме сой про дорогу в незнане, першы, тяжкы рокы жытя на чужыні та долгый період климатызациі з далека од рідной землі. Буде тіж звіданя про будучніст Лемків, проблемы звязаны з вчыньом лемківского языка та про стверджыня Лемкы то сут з боденкы – што оно значыт? – Дознате ся слухаючы проґраму «Спомний собі Лемку», на котрий уж тепер сердечнi прошу.

Укач Вожняк то м. ін. культурний діяч, долголітній член Стоваришыня Лемків, перший, а такой єдиний дотепер учытель лемківского языка в Ліґници і околицях. Більше про особу Укача Вожняка чытайте за тым мотузком.

Пробачте за якіст награня, але было оно споряджене за часів, коли редактор не робил іщы для радия лем.фм.

«Спомний собі Лемку» то проґрам, в котрым можете почути цікавы річы про минуле, про рідну Лемковину, але і жытя на чужыні. Інтервю ведены молодым чловеком, дают надію старшым його бесідникам на ліпше заран для лемківского народу.