Як заявлят порталь www.muzyka.dziennik.pl, знана цілій Польщы, а може і світу – ґрупа «ЛемОН», заповіла, же неодолга, бо 13. листопада (новембра) т.р., явит ся іх нова платня! Лідер ансамблю Ігор Гербут бесідує, же буде то альбом в сам раз на долгу зиму. При тым тлумачыт, же не буде то святочна музыка, а, як раз, зимова тзн. така як єй чує Гербут – не знат о тым оповісти, але заспівати уж гей.

Речений альбом, котрий за нецілий місяц вкаже ся слухачам єст третім в істориі ґрупы «ЛемОН». Попередні дві – плятиновы, з номінациями до Фридериків – были з великом радістю і прихыльністю приняты не лем серед Лемків. Подібні як на попередніх і сеса платня буде обнимала творы в лемківскым языку. Найдеме гын 11 пісен, в тым коляды і пасторалькы, співаны тіж по польскы, білорускы і украіньскы. Як все, «ЛемОН», окрем коверів, захопит нас своіма власныма композициями.

Полний зміст приведеной статі чытайте за тым мотузком. A гев, можете придбати спомений альбом іщы перед офіцияльном премєром!

«ЛемОН» з лемківском фаном. Фот. Фейсбук

Ґрупа «ЛемОН» была основана в 2011 р. з ініциятывы Лемка – Ігоря Гербута. Правдива карєра і слава пришли по выграню музычного проґраму Must be the music. «ЛемОН» од початку выступувал зо співанками в лемківскым языку, добрі днес знаныма «Літай пташко», ци «Девят». Вмеджечасі ансамбль выступил на найважнійшых музычных подіях польской сцены. В листопаді 2012 р. вказал ся дебютантскій кружок, за котрый ґрупа была номінувана до музычной преміі Фридерикы 2013, в катеґориі найліпший дебют. Друга плaтня вказала ся влони – в листопаді 2014 р. Писали сме он ній по лемківскы – до прочытаня за тым мотузком.

Од самого початку Ігор Гербут підкрислял кым єст, завдякы тому штораз більше люди могло дознати ся дашто о Лемках, де лежыт Лемковина і як выглядала траґічна істория нашого народу. Гербут, мож речы, стал ся амбасадором лемківской культуры в великым світі. Не так давно выступил в проґрамі ток-шов Кубы Воєвудзкого, в котрым, очывидно, бесідувал о Лемках. Од долшого часу, «ЛемОН» каждий концерт грат з привішеном до мікрофону лемківском фаном.

Як заявлят порталь www.muzyka.dziennik.pl, знана цілій Польщы, а може і світу – ґрупа «ЛемОН», заповіла, же неодолга, бо 13. листопада (новембра) т.р., явит ся іх нова платня! Лідер ансамблю Ігор Гербут бесідує, же буде то альбом в сам раз на долгу зиму. При тым тлумачыт, же не буде то святочна музыка, а, як раз, зимова тзн. така як єй чує Гербут – не знат о тым оповісти, але заспівати уж гей.

Речений альбом, котрий за нецілий місяц вкаже ся слухачам єст третім в істориі ґрупы «ЛемОН». Попередні дві – плятиновы, з номінациями до Фридериків – были з великом радістю і прихыльністю приняты не лем серед Лемків. Подібні як на попередніх і сеса платня буде обнимала творы в лемківскым языку. Найдеме гын 11 пісен, в тым коляды і пасторалькы, співаны тіж по польскы, білорускы і украіньскы. Як все, «ЛемОН», окрем коверів, захопит нас своіма власныма композициями.

Полний зміст приведеной статі чытайте за тым мотузком. A гев, можете придбати спомений альбом іщы перед офіцияльном премєром!

«ЛемОН» з лемківском фаном. Фот. Фейсбук

Ґрупа «ЛемОН» была основана в 2011 р. з ініциятывы Лемка – Ігоря Гербута. Правдива карєра і слава пришли по выграню музычного проґраму Must be the music. «ЛемОН» од початку выступувал зо співанками в лемківскым языку, добрі днес знаныма «Літай пташко», ци «Девят». Вмеджечасі ансамбль выступил на найважнійшых музычных подіях польской сцены. В листопаді 2012 р. вказал ся дебютантскій кружок, за котрый ґрупа была номінувана до музычной преміі Фридерикы 2013, в катеґориі найліпший дебют. Друга плaтня вказала ся влони – в листопаді 2014 р. Писали сме он ній по лемківскы – до прочытаня за тым мотузком.

Од самого початку Ігор Гербут підкрислял кым єст, завдякы тому штораз більше люди могло дознати ся дашто о Лемках, де лежыт Лемковина і як выглядала траґічна істория нашого народу. Гербут, мож речы, стал ся амбасадором лемківской культуры в великым світі. Не так давно выступил в проґрамі ток-шов Кубы Воєвудзкого, в котрым, очывидно, бесідувал о Лемках. Од долшого часу, «ЛемОН» каждий концерт грат з привішеном до мікрофону лемківском фаном.