Маґазин «Одкрый Сандецкій Бескід» уж в продажы в склепах сіти Емпік

Як поінформувал ведучый редакциі маґазину «Одкрый Сандецкій Бескід», Конрад Роґозіньскій, зимовый номер уж в продажы в 252 склепах сіти Емпік і не лем!

Припомнийме, же «Одкрый Сандецкій Бескід» то модерный подорожничый маґазин, присвяченый вынятковому місцю на мапі Польщы, значыт Сандецкому Бескідови (як і Західній Лемковині). Одкрыват він перед чытачами таємниці і красу Бескіду в вельох аспектах. Внутрі найдеме інформациі придатны туристам та жытелям того реґіону, як тіж для професийоналистів туристичной бранжы. Не бракне в маґазині статій на тему звязану зо стильом жытя, спортом і бізнесом.

Тепер уж можеме купити зимовый номер в склепах сіти Емпік (в Кракові ци в Новым Санчы), або через Інтернет за мотузком: куп онляйн.

Окрем того од 7. січня/януара 2020 p. буде діяла електронічна плятформа, одкале тіж буде можливе купити маґазин. Більше інформаций на сайті Одкрый Сандецкій Бескід по польскы.

Ціна зимового номера то 12,99 зл.

О самым маґазині бесідувал Якуб Зиґмунт в рамках циклю інтервю «Лемківскій Ґанок» з ведучым редакциі, Конрадом Роґозіньскым. Мотузок до інтервю: Лемківскій Ґанок #12 – бесіда з Конрадом Роґозіньскым.