Марина Матійчак: Лем няньовой хыжы барз мі жаль – проґрам «Там в горах Карпатах» – четвер, год. 20.10 – част 2

В четвер, 25. квітня/апріля 2019 р., о год. 20.10 запрашам на другу стрічу з Марином Матійчак з Ґавронок Малых, што ся находят недалеко Рудной, на Нижнім Шлеску, а родом з Чарной на Лемковині.

Хоц то моі реляциі нагрываны сут на Заході, то заєдно споминаме на Лемковину, прадідівску землю вшыткых нашых люди, де бы они не одышли, і де бы не были розметаны по шырокым світі.

Запрашам на проґрам, якому дал єм наголовок «Лем няньовой хыжы барз мі жаль».

Запрашам выслухати проґрам.

Церков Св. Димитрия з 1968 р. в селі Чарна. Джерело знимкы: www.lemko.org

Заява бесіды:

Коли мешкате на заході Польщы і хочете штоси нам повісти, поспоминати о вашым жытю на Лемковині, ци на Чужыні, то ждеме. Як бы сте хотіли нас повчыти, або оповісти про своіх предків – дідів і прадідів, так дайте знати. Як мате близко себе, в родині, когоси, з кым мали бы сме награти бесіду, пиште на адрес – mirek@lem.fm.