Медиі бездержавных наций

Стоваришыня Кашебско Єднота і Свобідний Европейскій Союз (European Free Alliance) в днях 13.-15. липця/юлия 2016 р. в Вейгерові і Ґдыни орґанізує конференцию, присвячену роли меншыновых медий як фактора спераня і розвитку достоменности европейскых бездержавных наций.

Хоц конференция приводит в своій назві бездержавны нациі, свою участ заповіли тіж представникы меншыновых медий, жыючы поза границями своіх держав: Словенці з Трієсту, Каталонці, Фризы, Мадяры з Семигороду, Македонці і Туркы з Грециі, Лемкы (Русины), Шлезакы і, очывидно, самы орґанізаторы – Кашебы.

Детальний проґрам той подіі буде доступний онедолга. До участи в конференциі запрошено і редакцию лемківского радия ЛЕМ.фм.