Miss World Rusyn – того рока во Свиднику

Того рока вчас 5. едициі Русиньского Фестівалю во Свиднику буде знане мено першой Miss World Rusyn. Жебы взяти участ з конкурсі на Найкрасшу Русинку Світа, старчыт: мати од 18 до 28 років, выполнити анкєту (мотузок до ней найдете гев), пак – коли достанете одповід – знимкы і короткє відео, на котрым кандидатка ся представлят треба послати на адрес missworldrusyn@gmail.com.

Найпізнійше до 31.03 орґанізаторы дадут знати, котра з канидаток заквалифікуцала ся до участи в конкурсі. Пак треба буде зрыхтувати ся до 3 дисциплін:

• передставити ся публиці по русиньскы (до 2 минут),
• заспівати єдну русиньску співанку або загуляти єден танец до русиньской співанкы в традицийным облечыню,
• свобідна дисципліна до выбору через фіналистку.

Выборы проходити будут 27. мая т.р. о 19.00 год. в амфітеатрі во Свиднику.

Орґанізатор забезпечат закватеруваня, страву і транспорт фіналисток – по єдній предаставничці з держав, де жыют Русины: Польща, Словация, Украіна, Чехы, Мадяры, ЗША, Канада, Сербія, Хорвация і Румунія. Окрем званя Miss World Rusyn, найкрасша Русинка отримат нагороду 1000 евро, перша vicemiss 600 евро, а друга vicemiss 400 евро. Дрібниці найдете на офіцияльным сайті Русиньского Фесетівалю во Свиднику.