Голосник

Модест Мусорґскій, «З повагом», просит Павел Малецкій – неділя, 20.00 год.

Модест Мусорґскій то єден з найважнійшых росийскых нацийональных композиторів. Серед ґрупы называной Великом Пятком мал найвекшый талант.

Першом учытельком была Модестови мама. Коли мал 9 років, грал уж так добрі, што давал концерты для родины і приятелів. Презначыньом была му єднак войскова школа, пак офіцерска карєра – така была родинна традиция. Вступил до такой школы, але выказувал доцяп не офіцерскы заінтересуваня: чытал літературны і філософічны творы, співал в хорі, а на першым році скомпонувал польку, котру дедикувал своім камаратам.

Через нервову кризу звільнили го з войсковой службы. Вєдно з М. Балакірєвом, А. Бородіном, Ц. Кюі та М. Римскым-Корсаковом утворили композиторску ґрупу называну Великом Пятком. Єй цілю было творити професийну росийску нацийональну музику.

Зато же мал тяжку фінансову ситуацию, імал ся ріжных робіт, а компонувал в свобідным часі. Мал вынятково вражливу і нестабільну натуру, чул ся самітный, пережывал депресию, котра утрудняла му роботу. Пізнійше стал ся алькоголиком, што довело го до смерти.

Найважнійшым оперовым проєктом Мусорґского є «Борис Ґодунов». Найзнаменитшым фортепіановым твором – цикль 10 мініятур «Образкы з выставы». Найбарже знаный симфонічный твір то проґрамова «Ніч на Лысій Горі».

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі