Музыка джерел – Юлия Дошна та Антоний Пільх

Як заявлят сайт Радия Ополe, 18. жолтня/октобра т.р., лемківска піснярка Юлия Дошна і Антоний Пільх выспівали і заграли пісні і співанкы записаны Оскаром Кольберґом. Подія прошла в студию радия в Ополи, а сам концерт был нагодом до выслуханя м.ін. лемківскых творів в тзв. цикли Музыка джерел.

Юлия Дошна та Антоний Пільх выступуют разом уж долший час. Часом грают тіж з капельом Бродів, котра співат стары народны пісні, выгрываны традицийныма інструментами.

Вертаня до джерел то поклін для Оскара Кольберґа – польского етноґрафа, фольклористы і компрозитора.  Кольберґ в своіх досліджынях дотерал до вельох, днес уж призабытых, музычных творів, але і дотыкал всякой обшыри, звязаной з етнґрафійом ґруп, заселяючых давны териториі Польщы, котра товды находили ся під заборами.

В 1960 році в Польскым Товаристві Народознавчым была основана редакция “Dzieł wszystkich” Оскара Кольберґа, котра початково діяла во Вроцлаві. Цілю той інституциі было промуваня дідицтва польского етноґрафа. Музыка з обшыри краківского (найдеме гын деякы творы звязаны з Лемковином) находит ся в томах 5.-8. обшырного діла Кольберґа пн. “Lud. Jego zwyczaje, sposób życia, mowa, podania, przysłowia, obrzędy, gusła, zabawy, pieśni, muzyka i tańce”.