На щестя, на здравля, на тот Новый Рік!

Вшыткым днес маланкуючым, памятаючы на старый рускій Новый Рік, хочеме дакус повінчувати. Най же будут то покріпляючы слова, кус може піднесены, кус патріотичны… Такы своі, од серця, зо щырого, полного щедрости.

***

Вінчую вам, желаю жебы сте все были здоровы,
жебы вам ся добрі доіли коровы,
жебы вам свині буры не рыли бандуры,
а єлень і серна, жебы не ходили вам до зерна.

Жебы вам ся родило жыто як корыто,
біп як сніп, пшениця як рукавиця,
ярец як палец, а овес як кудлатый пес.

Жебы сте мали тілько діточок, што на небі звіздочок,
жебы вашы діточкы маленькы были все здоровенькы,
жебы до школы xодили і добрі ся вчыли. Жебы чытали, писали
і рідной лемківской бесіды ниґда не забывали.

Іщы Вам вінчую – желаю,
вашыткым нам Лемкам ся вернути до рідного Краю.
Збудувати сто два села по тисяч номерів,
на лемківскій териториі, не лем на папери.

Жебы стоял сніп при снопі,
копа при копі,
а ґазда все при ґаздыни.

***

Серенчы в Новым 2022 Році
желат
Редакция ЛЕМ.фм