Русины зачали Страстний Тыжден – послідній Великого Посту, якій закінчыт ся торжеством Воскресіня Ісуса Христа. Раз на пару років вшыткы Русины мают нагоду святкувати Великден вєдно, незалежно од хоснуваного даном Церквю календаря. Того рока Пасху довєдна будут празднувати тоты, што ідут за григоряньскым і юлияньскым календарями. То ліпше, бо пак не буде проблему, кєд лемківскы леґіні будут хотіти піти на Пряшівску Русь і довєдна з чырчаньскыма фраірками бавити ся на русиньскій дискотеці в Орлові ци Сабинові. Свята разом дают нагоду взаімно ся одвиджати Русинам приграничных сел, заходити ся і нести од стола до стола радістну новину.
Хоц послідні дни Великого Тыжня для вельох сут днями свобідныма од школы, а може і роботы, то мы робиме. Редакция з Пряшова тіж не звільнят і прото маме што днес слухати. «Говорить Пряшів» в Перличці донесе нам про храмове свято, кєрмеш в Бач Керестурі, котре там зовут – кырбай. Буде то справопис з того же кєрмешу. На тым не конец, бо постійно ждут Вас дальшы циклі нашой пряшівской передачы.
Ждеме Вас за нашым державным, фльориньскым часом.
За рамівком Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.