Наш Краків – Наша Малопольща

Стоваришыня Руска Бурса є єдным з партнерів проєкту Наш Краків – Наша Малопольща реалізуваного з нагоды Дня Дітины в Кракові. В рамках той подіі, 1. червця 2014 рока од 11.00 год., в Парку ім. Генрика Йордана (ал. 3. Мая в Кракові) орґанізуваны будут артистычны варштаты для діти. Головным мотывом будут ріжны азбукы і місця повязаны з етнічныма і народовыма меншынами, якы жыют в Малопольщы. З так намалюваных образів основана буде інсталяция, вказуюча мультікультуровіст Малопольщы.
Цілями проєкту сут, окрем спільной стрічы, забавы і інтеґрациі, переломуваня стереотыпів, пошырюваня толеранциі і борба з расизмом і антисемітизмом.

Подія задумана для вшыткых, вступ – дармо, а для діти передвиджений почастунок і подаркы.
Орґанізатором проєкту єст Жыдівскє Стоваришыня “Чулент”, а почестний патронат принял Єжы Мілер – Воєвода Малопольщы.