«Наше, ненаше» – проґрам Роберта Ломбіна з Прагы / неділя, 20.00 год.

Краснї просиме на нову словно-музычну авторьску передачу «Наше і ненаше: передставляме музыку, культуру і люди» в кажду недїлю од 20.00 до 21.30. Релацію поведе Роберто Ломбіно з Прагы, довголїтнїй сімпатізант Русинів і русиньского языка.

Можете ся тїшыти на музыку з цїлой Європы, головнї зо словяньскых країн, але подаколи тыж з другых части світа, од людовых
пісень в різных аранжаціях, через фолк і співану поезію по джез, а часами іншы жанры. Як доповнїня ся дізнате велё цікавого о презентованій музыцї, єй інтерпретах ци народах, од котрых походить. Кажда релація буде мала гостя, ци уж музыканта, члена єдной з народных меньшын в Європі або особу звязану з языками і културов.

Перше выданя релації кус шпеціалне, бо замість бісїды Вам понукнеме награня стрїчі з нагоды 15. річніцї здружіня Rusíni.cz – Русиньска ініціатива в Чеській републіцї, яка одбыла ся минулу суботу в Домі Народных Меньшын в Празї. Члены здружіня повідять подрібнї о дотеперішній діяльности здружіня, а о музыку ся постарать співацька ґрупа Кантар з Прагы разом з ансамблём Столичного джывкы з русинського села Великый Липник на Словакії.

Включте ЛЕМ.фм в недїлю о осмой і дізнате ся веце.

«Наше, ненаше» – емісия в неділю 11. жолтня/октобра 2026 р., повтотріня в понедільок 12. жолтня/октобра о 5.30 год. та в віторок 13. жолтня/октобра о 15.15 год.