Неділя Самарянкы

Днешня неділя – Неділя Самарянкы ся так называть од днешньой події, кідь Ісус приходить до Самарії ку Якововой студні в 6. час дня, кідь сонце найвеце палило. Він знавеный по дорозі сідать собі коло студні. Приходить даяка жена Самарянка, котра іде набрати воду. Ісус з ньов зачінать діалоґ і просить ся дати напити. Она одповідать, же так неналежыть, жебы Жыд просив од самарянской жены. Но Ісус пришов збуряти мур розділіня міджі людми, міджі народами. Говорить тій жені: Я мам воду, по котрій чоловік не буде чути спраготы. Жена думать на матеріалну воду, Ісус говорить о духовній. І тоту жену веде од матеріалного ку духовному. Вказує тій жені, же она была мучена нелем спраготов языка, но спраготов роскоші: Мала есь 5 мужів, а тот, з котрым жыєш, не є твій муж. Через одкрытя їй внутра єй веде ку познаню Месії. Она напила ся той духовной воды і звістує приход Месії жытелям міста. Подьте посмотрити чоловіка, котрый мі повів вшытко, што єм поробила, ці то не Хрістос? Ісус і нас хоче наповнити тов водов свойой благодати, свого слова, котре перемінять людьске сердце. Дайме ся наповнити тов водов, абы сьме не были затліты роскошами, гріхами, котры чоловіка не успокоять лем ведуть іщі до векшой сухоты і выпрягнутости душы. Ісус і нам адресує тоты слова: Дам ті воду, од котрой тя не буде тлоїти. Приймеме тото позваня? Є то на каждім із нас. Хрістос воскрес!

В неділю, 29-го мая 2016 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 29-го мая о 12.00, 15.00, 20.00 год. і 30-го мая о 2.00, 8.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Фото: «Хрістос і Самарянка». Жрідло вікіпедия.

Повязаны дописы

Ретрансмісия V Медженародного Конґресу Русиньского Языка / презентация орґанізаций – четвер, 9.15 год.

«Голосы Русинів Підкарпатя» – середа, 18.10 год.

Łemkowie są…

Спомож нас / Wesprzyj nas