Ніч героїв

Фундація Деревяна церковця Габура вас запрошать на 1-шый річник події під назвов „Ніч героїв“.

Подія одбуде ся в двох етапах. Першов буде „Ніч під Дукльов“, котра буде проходити вночі зо 7-го на 8-го мая 2015 р. Участници ся стрітнуть 7-го мая о 14.00 год. на Дуклі під выглядковов вежов. Там буде проходити і реґістрація участных.

Другов етапов події буде „Ніч під памятником князя Лабірце“, котра одбуде ся вночі із 3-го на 4-го юлія 2015 р. Стріча і реґістрація участных буде в Долині князя Лабірце в Габурі дня 3-го юлія 2015 р. о 16.00 год. пополідне.

Подія буде проходити незалежно на тім, яка буде погода. Орґанізаторы події хотять проявити вдяку павшым воякам Другой світовой войны. Ночовати ся буде під голым небом.

В припаді інтересу можете орґанізаторів контактовати на мейлі: nochrdinov@gmail.com або на чіслі телефону +421 944 653 688.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА