Новий туристычний пут до Бортного

Як заявлят сайт www.gorlice.tv, з нагоды 20-літя Маґурского Нацийонального Парку, 2. жолтня (октобра) т.р., отворeно новий туристычний пут до Бортного. Стежка зо Святковы до Бортного, як підкрсиляют участникы подіі, окрем ліпшого получыня тых двох сел, символічні лучыт Маґурскій Нацийональний Парк з двома воєвідствами: підкарпатскым та малопольскым.

Новоотворений пут то, по правді, стара сельска дорога, котра лучыла тоты сусідні села. Была она заперта, а рішыньом МНП наново офіцийні отворена для вандруючых. Як зазначат директор МНП, пут зо Святковы до Бортного, окрем вказуваня вальорів гірской природы, має задачу інформувати заінтересуваных о культуровым і історычным дідицтві реґіону, а думка, яка товаришыла тій ініциятыві, то тіж вказаня, же парк є отворений для жыючых в околици люди.

О істориі лемківского села Бортне оповіли: шолтыс села – Адам Кузяк та парох місцевой православной парафіі свв. Космы і Даміана – о. Мирослав Цідило. Музычну част выполнил концерт ансамблю Ручай.

Відеореляцию зо спомненой подіі находит ся за тым мотузком.