Коляды з Єленьой Горы – з грудньовым Переглядом Православным

Разом з початком Филипового посту, якій звістує Різдвяны Свята, до грудньового Перегляду Православного долучено платню з колядничо-святочным репертуаром. Коляды награны остали хористами парафіі свв. ап. Петра і Павла в Єленій Горі з православной Вроцлавско-Щеціньской Єпархіі з благословліня Його Высокопреосвященства Владыкы Єреміі.

Членами хору сут люде, якы люблят церков – дорослы, молодіж, діти, некотры співают спільні уж од вельох років, інчы долучыли недавно.

Платню отверают тропарі свята і святого апостола Штефана, якого праздник припадат в третій ден Різдвяных Свят, а котрий єст покровительом Дому в Цєпліцах, де діє Фундация св. Штефана – спілініциятор выданя платні. На платни найдеме вельо знаных і любленых колядок, але тіж і тоты меньше популярны. Почути мож і щедрівкы, творы співаны од Новога Рока по свято Йордану. Вшыткых творів єст 18, співаных на штырьоголосовий мішаний хор.

Пониже презентуєме фраґмент коляды Небо і земля, яка находит ся на реченій платни.

Дрібниці про награня і дистрибуцию за мотузком.