О Лемках в вроцлавскым Етноґрафічным Музею – днес о 18.00 год.

Од 23. січня т.р. во вроцлавскым Етноґрафічным Музею высвітляны сут фільмы о жытелях реґіону Нижнього Шлеска, котры по ІІ Світовій Войні заселили полудньово-західні териториі Польщы. Етнічно-історычну тему в виді фільмовых проєкций выполнили уж Ґрекы, Македонці, Караімы, Жыди, Німці, Украінці, Ромы, Татары і переселенці з втраченых через Польщу по ІІ Світовій Войні земель.

Днешня тема фільмів буде ся тыкала Лемків і польскых рееміґрантів з Буковины, а в рамках Ночы Музеів, котры будут проходити в маю, послідню з заплянуваного циклю тему займут Ормяне.

Стрічы проходят з нагоды влонишнього Рока Оскара Кольбеґа (200. річниця народжыня того етноґрафа і фольклористы – *22. лютого 1814 р.), што видно і в наголовку показів, котрий навязує до наголовків прац польского дослідника, выдаваных од 2 половины ХІХ столітя – „Нижній Шлеск. Нарід, його звыкы, спосіб жытя, пісні, музыка і танці…”

Найбарже нас інтересуюча лемківска тема буде представлена днес, 24. квітня, о 18.00 год. Більше інформаций на сайті Етноґрафічного Музею во Вроцлаві – за мотузком.

В інтернетовым сервісі YouTube находит ся уж фільм, котрого проєкция одбуде ся днес в Етноґрафічным Музею. Позерайте долов.