Голосник

Обзерач Природы #10 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 20. листопада/новембра 2020 р., о год. 13.00. «Обзерач Природы» то пропозиция для любителів природы, лісовых звірят, вандрівок в незнане.

Метеоролоґічны проґнозы сут обіцюючы. Скоро може на Лемковині появити ся сніг, на котрый вельох любителів зимовых спортів оддавна жде. Тепер за вікном, покля іщы неє зимы, а напевно уж не єст то клясична осін, маме передзимя – таку додаткову пору рока, яка климатичні проходит як раз што рока в листопаді/новембрі і на початку грудня/децембра. Найблизшый oдтинок проґраму буде про тот час, коли температура не сходит іщы ниже нуля, але чуєме тот холодный вітер, котрый заповідат нам скоре охолоджыня і зиму. Яка єст докладна дефініция передзимя? Што ся діє товды в природі? Вшыткого дознате ся з проґраму!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год. 

Шеруй.

О авторі

Якуб Зиґмунт

Лях з Санча. Ґеолоґ, але наштоден занимат ся і інчыма професиями. Знат 5 языків, але на ЛЕМ.фм хоснує лем два з них. Любит вандрувати, неконечні там, де вшыткы люблят.

Коментарі