Обзерач Природы #26 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 26. марця 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Найблизшый одтинок проґраму заповідат ся в цілком інчым стили. Не буде то дальша вандрівка по околицях карпатскых гір. Тым разом поіхаме над берег Балтийского Моря, жебы призріти ся інтересуючому явиску, якє возникат каждого рока в вельох курортах польского побережа. Бесіда буде про апвелінґ (анґ. upwelling), значыт про морскє течыня, котре приносит літом барз зимну воду в мори. Не чудувало Вас николи, же єдного дня морска вода може мати примірно +20 ґрадусів, а наступного дня без великых хвильовых революций спадат до лем +10? Вшытко спричыняют вітры, якы дуют над польскым морьом. Більше деталів того барз інтересуючого природничого явиска познате в проґрамі. Слухайте уж о 13.00 год.!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.